Oté

« Tourn sète foi son lang dann son boush »

In kozman pou la rout

Justin / 29 avril 2016

Nou lé fine di la lang sé lo méyèr z’afèr é lo pli pir an mèm tan. I pé dir dé bone shoz ansanm, mé i pé dir galman dé movèz shoz. Pli pir kan ou la lès in parol alé, ou i koné pa kèl koté li v’arété : konm i di koméla, li fé lo buzz é son déga lé konm zoignon miltipliyan. In pti parol i fé l’èr inosan pou komansé, dizon pou farsé kan i ariv o-bout la fine vni in z’afèr monstré. Sa i fé fash demoun ! Sa i fé pète la gèr ! Sa i amenn kalité trikmardaz, vèy pa koman ! L’èr-la la sazès i komann toulmoun bien réfléshi avann parlé. I anpèsh ar pa di dé shoz k’i fo pa, mé moins é moins sé déza dé shoz ginyé. Alé sèy tash moiyin bien réfléshir avann kozé, tourn sète foi son lang dann son boush : sa i done lo tan pou kalkilé. Alé ! Ni artrouv !


Kanalreunion.com