Oté

« Tout martin, la zèl lé blan ! » - in kozman pou la rout

Justin / 18 mars 2015

Sé pa k’in patoi kréol rényoné i fé kass plis la tèt ké patoi in ‘ot l’androi, mé na z’afèr lé sinp, i koul konm lo la sours, é na in pé i fo transpir in pé pou konprann. Lo patoi ni di zordi i di aou tout martin la zèl lé blan. Kosa sa i vé dir ozis ?

I vé dir, ou i pé pass san fé romark aou, é pou kosa va di inn la fot, sansa in n’ot pars i di aou, zistoman tout martin la zél lé blan. Donk i pé ète aou, amoin, in n’ot. Poitan na inn lé résponsab ! Na inn lé koupab si sé in mové z’aksion ! La pa toulmoun ! Ou i pé kamouflé, ou i pé di non, ou i pé di sé pa moin sé l’ot, mé momandoné la vérité i fé son shomin é lo koupab lé trapé…

Près toultan, pars na dé foi i débisk pa lo koupab. Koman zot i oi sa zot ? Sa i di pa zot arien ? Alé, fé travay zot koko ! Fé bouy zot matyèr griz ! Zot va oir ké rant-rant i ariv nou lé dakor rantre nou.


Kanalreunion.com