Oté

« Travay pou manzé kui. » - In zour, in kozman

Justin / 25 out 2015

Kosa sa I vé dir ? Sa I vé dir ou I travay mé ou I gingn pa l’arzan sansa dé grin solman. Pou sak i an souvien pi, m’a rapèl azot-dann tan - l’avé touzour in moun ramasé dann in famiy. Dé foi li té anbandoné par son famiy, défoi papa momon lé pi la… I ariv osi ké son famiy l’asé oir ali, pars li nana vilin manyèr... Donk li rès la kaz demoun épi i donn ali in plas pou rakokiyé, in boushé manzé épi li fé korvé tout la zourné.

Avan lo rmi (koméla sé lo RSA) l’avé in paké d’moun té konmsa : kisoi dann bitasyon, kisoi dann bazar. Zordi demoun va di : « Moin mi travay pa pou manzé kui ! ». Mé antansion lo tan lontan i pé rovnir sa ?

Kosa zot i anpans ? Arien ditou ! Moin pou mon par mi fèrm mon také, mé nou va rotrouvé pli d’van.


Kanalreunion.com