Oté

« Tyé kouyon pou pran son plas ! »

In kozman pou la rout

Justin / 26 zwiyé 2016

Mi koné pa dopi konbien lo tan kozman-la i égzis, isi La Rényon, mé sak mi koné sé ké li vé bien dir sak li vé dir. Si zot i lir bien, zot va oir ké « kouyon » sé la kouyonis an pèrsone, in konsantré dan la matyèr, in éspésyalis dan l’afèr, si tèlman k’in pé i pé ète zalou d’sa. Pars i pé dir dann l’ar la kouyonis li sé in z’ékspèr. Donkalor si in moun i trète aou konmsa, ou i pé ète sir la pa pou konplimant aou. Moin la mèm déza antann lo kozman : « li lé pli kouyon ké kouyon ». Mé inkyète pa, dann sète afèr, ou, moin, li, nou sé lo kouyon pou in moun sansa pou plizyèr. Alé ! Ni artrouv pli d’van pétète pou in nouvo kouyonis !


Kanalreunion.com