Oté

Vélo lé gayar vréman !

Justin / 23 mé 2011

Souvan défoi, mi antan ankor demoun i di : « Lo vélo lé danzéré, moin la pèr bouz an vélo, épi sa i fatig amoin, i fé transpir amoin, mi préfèr pran in loto pou fé inn-dé kilomète kan mi sava travay, ou fé bazar, ou alé voir in dalon » ; na mèm domoun i di parfoi : « Lo vélo, sa lé bon pou domoun maléré, mon limaz lé méyèr si mi bouz dann in zoli loto »…

Oté, èské nou pé libèr nout koko do so bann prézizé ? Mi voi tou lé zour na touzour pliss de moun dann somin i bouz an vélo. Bann-la i konpran byin lo vélo lé bon pou la santé, pou nout lanvironman, i koute moin sèr, i ranfors nout lyin sosial, lé pa danzéré si nou lé pridan.

É ièr moin té kontann voir lo bonpé d’moun la partisipe La Rényon Cyclo Tour koté Bras-Panon èk lanbians navé. Sa i prouv, kom "Témoignages" la di zédi dèrnié, vélo lé gayar vréman !

 Justin 


Kanalreunion.com