Oté

« Vèy konm lé dsi l’fé »

In kozman pou la rout

Justin / 3 févrié 2016

Mi koné pa si toulmoun i koné d’lé lé dsi l’fé, sa lé trèt vèy pa koman. Ou i bate lo zyé ép lo lé i débord dann kasrol, i vèrs dann fé ; donk, si ou na d’lé dsi l’fé, pa pa bézoin al égard out mésaz dsi fasbouk. I fo ou i vèy bien.

Mé sa lé pa valab arienk pou dolé, lé valab pou tout sort dé shoz. Konm si ou i zoué kart, i fo ou i vèy bien out partmèr konm out l’advèrsèr sansa ou i sava pèrd. Sa lé vré dann lo zé konm dan la vi.

Kosa zot i an-pans ? Arien ditou ? Fé travay z’ot koko ! Fé bouy z’ot matyèr griz ! zot va oir, ké, rant-rant, ni pé z’ète, tazantan, dakor, rantre nou.


Kanalreunion.com