Oté

« Ziz pa zoizo par son plimaz ! »

In kozman pou la rout

Justin / 25 zwin 2016

Na in provèrb fransé k’i di konm sa : « lo linj i fé pa lo moine ! ». Mi pans lé dé kozman i vé dir la mèm shoz. Astèr, akoz i fo pa ziz in zoizo par son plimaz. Oplis mi kalkil, oplis mi trouv pa lo tik-tak kozman-la. Si mi baz dsi lo provèrb fransé lé shoz lé pli sinp : ou i pé dégiz aou an moine san z’ète moine ! Konm i di dann télé ! Ou i pé pa dégiz aou an zoizo pou pa z’ète in zoizo. Solman kréol i di aou, si ou i oi in moun na l’èr faye, ébin, pa bézoin ou i sava défiye ali pars ou lé riskab gingn in rès trankil. Parèy na désèrtin na l’èr i kas pa kat pate in kanar é poitan défoi zot lé gabyos vèy pa koman. Lo kontrèr osi i pé z’ète vré ! Zot i suiv amoin astèr ? Zot i oi kozman-la, la pa si bète ké sa ! Alé ! Ni artrouv pli d’van.


Kanalreunion.com