Oté

« Zoizo i fé pa son ni an in zour ! »

In kozman pou la rout

Justin / 11 out 2016

Mi doi dir moin la zamé sirvèy zoizo pou oir an konbienn tan li pran pou fé son ni. Touléka moin lé sir k’i fo in bon koup de tan, sirtou si lo ni lé konpliké konm sète zoizo bélyé. I paré lo ni bèk roz lé pa si sinp ké sa pou fèr… Mé o fète, nout kozman pou la rout, kosa li vé dir ? Li vé dir si ou i vé konstrui in vi, la pa bézoin fé la vitès. Pou koué ? Pars i fo lo tan pou maziné kosa ou i sava fé. Pars si ou i fé la vitès, ou lé riskab rate out kou : nana si tèlman pou fèr é tousala i doi z’ète fé dan l’ord, pa dann dézord. Kass an paye, la pa bon. La vitès nana son tan ! touléka, suiv lo konsèy nout modékri i donn anou ! Alé ! Mi lès azot kass z’ot tèt la-dsi. Ni artrouv pli dvan !


Kanalreunion.com