Culture et identité

Amour, paix, respect, tolérance !

Jimix

Jean Fabrice Nativel / 12 mai 2010

Jimmy Cavalier préside l’association Jimix & Co depuis 2003, année de la sortie de son premier album “Ultimatum” avec en prime un succès “Nou lé parèye”. Quatre années après, un second opus “Fusion La Réunion Madagascar”, à sa voix se mêle quatre autres, celle de Mika et Davis numéro 1 à Madagascar, Pio de Benja Gasy, Billy du groupe Spécialista, Jean et Élie du groupe Spacial Bokas. Le mariage du créole et gasy (malgache). Une riche expérience pour celui que l’on surnomme Jimix au service des autres et de sa cité du Vauban (Saint-Denis) — pas seulement. Le samedi 8 mai avec le concours de dalons et dalones, ils s’étaient retrouvés dans la kour à partager un repas accompagné d’une animation de peluches géantes, de maquillage pour enfants, d’un concours de dessin. Une surprise, le défilé des dernières modes vestimentaires de Vous les filles dans un quartier populaire. Preuve que l’on a de la valeur. Jimix est un exemple d’humilité. Fait parti de sa vie Dieu. Ceci explique cela. Rencontre.

Ou pran daso la sène, le plato artistik, ou sot, i fé pans a nou band parad gèriyèr, sa lé puisan mélé : on diré out but sé’d révéiyé tout domoun, rand sak spèktatèr atantif a out présans, out mésaj ?

- Mon frèr, mi véikil in mesaj avèk ma parol, ma présans, la dans : sé la gèr kont nou mèm, sak na’d mal an nou, sak i blok a nou. Moin lé in boug lan dé mil, ouvèr, mi vé transmèt band bon valèr la zènès. Nana le rèspékt, l’Amour, le partaj… Noir, blan, indiyin, malgas… nout tout nou lé parèye, égo. Sof lo manjé lé pa parèye — é ankor. I fo arèt di nou lé ti, nou lé kom zamérikin, zéuropéin, nou lé’d moun dé zil. Nou di osi, l’Amour i prime si larjan, lé klas sosial, ke nou nana otan valèr ke lé politisiyin, relijiyeu, chèf gran lantropriz. Zot posisiyon sosial lé pa pareye, mé nou fé lé kours kom zot, kom zot nou nana vawzin. Si tou lé politik té don le méyèr zot nana an zot, sa va alé, nou s’ra an pé. Alon aport nout grin’d sèl, nou koné kosa lé bon pou le pèp, pou nout kartiyé. Nout tout égo, nou échanj, nou partaj, sak nou nana d’bon an nou, nou juj pa, nou kritik pa, nou condane pa, mé nou èm !

Nou juj pa, nou kritik pa, nou condane pa, mé nou èm !

Kan mi rogard a ou, mi vwa, ou na in stil partikiliyé, ou nana osi in baton. Nou la anvi savwar in pé plis ?

- Mon frèr, se baton, sé Benwa la done a moin. Mi souviyin, moin lété invité Vintième anivèrsèr lobèrj zénès Karpantra Sinte-Marie la Margne an Frans. Moin lété pa tou sèl kom artis Réniyoné, navé in pin, lartizan choka, group moringèr, gitaris (Alix Poulot), roprézantan séga èk la gastronomi. Nout tout, tout sèl, nou lavè nout lèr de glwar. Kan la ariv mon tour, moin la chant in régé, mi di Jah an pliziyèr fwa é mi antan Rastafari an pliziyèr faw.. Mi ésèye vwar ki sa i lé. Mé mi vwa pa. Kan moin la tèrminé, in Malgache i di a moin, sé moin té i di Rastafari. Nou lé simpatizé, nou la parti son kaz. Sété in ring, moin la apri k’li lété boksèr, chantèr’d régé. Son band tèks i di i fo arèt èt ipokrit, “Pourquoi, je me pose encore la question à laquelle la lumière nous répond déjà par la foi etc.”. Benwa la rakont amoin in lépizod’sa vi. Konfronté a in vintèn de gar, lu la afront èn par èn é èn par èn la tombé... Sa pou le rèspé. Dan son landraw sécré, nou lé parti, navé in bon pé linstriman. Sé la ke moin, la pri le baton é moin la fé tourn sa din maniyèr, mon koliyé la détach mon kou. Benaw la rakont a moin listwar le baton navé trant an é moin listwar mon koliyé. Navé in poin komin, in nafèr spirituèl. Moin la gard lo baton, moin la gaijn in bou baw sakré, ke moin la partajé avèk mon band dalon. Baton la, si la sène, dan légliz li lé avèk moin. Sé in lakséswar sèn pou avawr in kontak. Sé in pasaj de min.

Mon frèr, linspiratèr

Koman ou la fé la rankont la mizik ?

- A laj sèt an, moin lété anfan kèr é sèrvan dotèl. Dan la sal Sin-Jan, moin la fé téat, la dans, chan relijiyeu. Navé le pèr Étiènne Grienenberger, Denise Parassouramin, té fé katéchism pou nou, èl la gid a nou. A laj sèz an, moin la komans ékrir mé tèks de rap avèk dé mésaj révolutiyonèr “I fo rouv nout ziyé, avec la foi, lé plus facile de tomber dans le vice que de faire le bien”. Avèc laksan rebèl ! Nou la form in group, in kardiyolog té joué sinté, in journalis gitar, in dirèktèr artistik batri, in nobl trompèt. Nou lété dand lèspo, vèrnisaj… Nout mizik navé jaz, rok avèk ma vwa rap, in vèrsiyon révolusionèr. Nou lété bénévol, larjan lété pa’l but… Nou té partisip osi o konkour‘d dans. Moin lété o koté Patrice Treuthard pou kabar poèm, Alain Mastane, Fenoamby, Nathalie Natièmbé, Antoine Duvignaud, Pink Floyd etc. É pui mi arèt la mizik. Dan in mèm lané, mon frèr, mon pèr i kit a nou. Frédéric Cavalier mon défin frèr artis, lété linspiratèr, sé kèlkin mi rèspèkt. Sété in om san pour san lib, o poin choizir sa mor, sa filozofi lété avansé, tré an soufrans — a koz dé zinjustis notaman —, li la prèfèr rojoind le Pèr.

Sé lo tan pou nou r’venir o rasine, la forse nout tradisiyion, léritaj nout zansèt

Èsplik a nou kosa i lé out mizik ?

- Ma mizik lé atipik, mi utiliz tout stil pou véikil le mesaj d’Amour, de pé, rèspé, tolérans. Ki lé zouk-love, régé, rap, maloya, misik tradisionèl gasy (Malagache). Dan pa lontan, nou sa mèt a nou o séga, maloya, mizik tradiyonèl gasy sé lo tan pou nou r’venir o rasine, la forse nout tradisiyion, léritaj nout zansèt.

“La ou nana la ènn fèt ke mi puiss aporté l’Amour, la ou nana la tristès fèt ke mi puiss aporté la jwa…”

Pou la journé la mizèr ou lété la. Di a nou pou kosa ?

- Moin lé totalman angajé pou la bon koz, moin lé engajé kon linjustis, la mizèr, moin lé o koté lé zoprimé, lé zorfelin, lé vèv, lé pèrsone san domisil fiks… Mi san a moinn konsèrné par tou sa. Si moin lété miliyardèr, moin té di band politisiyin a lé an vakans tou fré péiyé avèk di zan lindèmnité. Lès a moin jèr lé problème avec ma richès pèrsonèl é spirituèl. L’Amour i atir l’Amour toujour l’Amour kom la pé, la pé ou lé sèrvitèr de la pé. “La ou nana la èn fèt ke mi puiss aporté l’Amour, la ou nana la tristès fèt ke mi puiss aporté la jwa, la ou nana la gèr, fèt ke mi puiss aporté la pé, la ou nana linjustis fèt ke mi puiss èt just” (èstré la priyèr in Sin).

Ésplik a nou out laksion opré la zénès ?

- Mon mésaj, lé klèr é sinsèr, nou nana tous dé valèr an swa. Parfwa sé valèr i viyin pa Lédikasion nasional. Alon pa ézit èsplwaté sak Diyé la done a nou d’méiyèr an nou, i pé èt la dans, lo chant, la mizik, lar plastik, lart é la vwa. Ke ou viyin d’la ri ou non. Nou pé done sak nou nana méyèr kèlke swa nout fason dèt, nout lanvironman, nout kondisiyon.

 Jean-Fabrice Nativel 


Jimix ladi
• Nous sommes très nombreux à véhiculer le message de Paix et d’Amour parmi une multitude de personnes à travers le monde. Ne soyez pas découragés, qui que vous soyez, vous avez de la valeur.

Dan lokal lasosiyasion lé ékri
• Si ta parole n’est pas plus belle que le silence… abstiens-toi.


Kanalreunion.com