Culture et identité

Lo 5 mars, Sinpol, in kabar tizann

Pou Lané Élie

Témoignages.re / 23 févrié 2011

L’artiste Ernaud Hypolyte (Éno) annonce que dans le cadre de "2011, l’Année d’Élie, un combattant réunionnais de la liberté", le samedi 5 mars prochain, au Guillaume Saint-Paul, sera organisée par divers partenaires agriculteurs, tisaneurs, etc. une journée pour valoriser les atouts de nos tisanes et autres plantes médicinales réunionnaises. Voici la présentation de cet événement.

Danyel Cadet, Éno, Arsène Cataye sanm in lantouraz plantèr èk tisanèr, lé kontan invit a zot lo 5 mars, si koté somin Féoga 2, pou in zourné partaz si tisann flèrzone, pou konèt koman i ansèrv ali tousèl ousinon an gatir sanm dot tisann.
Zordi, bann laboratoir kaparèr i rod pou kapay nout patrimoine natirèl sanm nout konésans bann zansèt la donn anou si lo vérti nout bann piédboi La Rényon.
So zour la, sé pou nou osi in lokasyon réfléshi ansanm si lo fason ténir nout tradisyon tisann La Rényon, lit kont bann loi zoropéin i vé fé réglomantasyon.

LO PROGRAM :
• A partir 10 zèr : i komans akèy domoun, i fé in visit bitasyon ziska 10 zèrédmi.
• 10 zérédmi ziska 11 zèr : i gout tisann, tisanèr i donn zésplikasyion.
• 11 zèr ziska lèr manzé : soubatkoz si lavnir nout tisann.
• Shakinn i amèn son manzé, ni fé in piknik partaz.
• 2 zèr laprémidi : kabar sanm Lansor, Zangoun, Mangalor, Koulèr Péi.
Pou lo piknik, nou domann a zot pa aminm lalcol siouplé ; sré gayar osi si zot té préfèr lo sikré plito ke bann boutèy la boutik.

Ladrès bitasyon Danyel : 600, somin Féoga 2 Guillaume. Si la route Maïdo, lé si la gosh, i fo roul 4 km, lé fasil pou trouvé, i kit pa somin béton. Sirtou roul pa tro vit, somin lé séré !!


Kanalreunion.com