Culture et identité

Ouverture Lofis la lang kreol La Rényon au Port

Cinthia Fontaine / 7 novembre 2009

Hier soir a eu lieu l’inauguration de Lofis la lang kreol La Rényon, au Port. Deuxième ville à signer la charte de Ville bilingue après l’Entre-Deux, Le Port continue sur sa lancée d’intégration du créole dans la vie de la commune.

Texte et photos C.F.


Sharte komine biling kréol rényoné fransé

Tandoné dann la komine Le Port :

1. I ressoi demoune an kréol rényoné konm an fransé dann sérvisse minissipal
2. I donn le droi koz an kréol rényoné konm an fransé dann konsèy minissipal
3. Bann zélu i ansérv lo 2 lang an piblik
4. Na le droi maryé an biling kréol rényoné-fransé
5. I donn linformasyon dessi lo droi maryé an kréol konm an fransé
6. Na in bon plasse pou lo 2 lang dessi le site Internet la méri
7. Karton linvitasyon lé an biling pou bann kabar kiltirèl la méri i organiz.
8. Papié “l’en-tête” la méri lé an kréol rényoné ; logo la méri lé an kréol rényoné
9. Na in bon plasse pou lo kréol dann zournal minissipal
10. Bann lafish pou anonse sak i espasse dan la komine lé an biling
11. La méri i donn in koudmin (larzan, la téknik) pou dévlope bann klasse biling dan la komine
12. Dann médiatèk èk bibliotèk (sak la méri lé résponsab), i mète anlér sak La Rényon la kréé, sirtou sak lé an lang kréol

Lofis la lan kréol La Rénion
I déklar la komine Le Port i mérite :
le sértifika Komine i réspèkt nout 2 lang :
le rényoné èk le fransé
èk le sértifika Komine biling kréol rényoné-fansé


Istorik de la sharte

22 oktob 2009 : konsèy minissipal le Port la vote pou la sharte “Komine bliling”.
Zordi, vandredi 6 novanm 2009, le mér la Vil Le Port, Jean-Yves Langenier, i déklar :

son komine konm in komine i réspèkt toute bann lang, an premié le 2 prinsipal lang La Rényon : le kréol rényoné èk le fransé.

- son komine komine biling kréol rényoné-fransé.


Kanalreunion.com