Culture et identité

Parol fanm - Parol domoun

Dimans 7 mars ansanm Ankraké

Témoignages.re / 2 mars 2010

Lo 8 mars i ariv. Ankraké i rant dann ron é li invit zot tout po Parol fanm – Parol domoun. Lantré lé lib. Sakinn i aminn son pik-nik é i partaz sirplas.

Kan ni vé koz si Zourné internasional lo droi bann fanm, nou lé anmayé. Akoz ni koné pi si i fo onor sat té fé dépi lontan, si i fo koz ankor si violans i fé banna dan la kaz, dann travay, dan la politik. Na tèlman po di…
Alors, Ankraké i di in sèl zafèr : tousala, sé in nafèr i agard tout la sosiété. Parol fanm – Parol domoun, sé in lanvi di anon rod manièr po nout tout viv ansanm. Pa inn kont lot, mé inn sanm lot.
Po sa, nou donn la parol tout domoun po soulèv tout kestion i sanb azot konsékan po mié konprann le problèm, é po nou voir parkoman ni ésèy démayé. Solision sé nou, lé an nou : lédikasion, la loi, konésans, lamour ? Anon rod sömin po viv ansanm dan lo respé.
Parol fanm – Parol domoun, sé in sobatkoz ousa madam é mésié i pé kozé, di zot traka, épi éstim an moun responsab koman zot i voi po fé avans lavnir.


• Lo dimans 7 mars 2010

Kaz kabar – Boi Rouz - Sinpol

Parol fanm – Parol domoun

9h30 : Kozman èk Anneline Payet, Chimène Trulès é Sylvie Ernest po animé

11h30 : Fonnkèr é la mizik èk Isabelle Testa, Maryline Dijoux, Amélie Burtaire, Ingrid Varon, Céline Huet, Arlette Nourly

12h30 : pik-nik

Kontak : ankrake@gmail.com


• Samedi 6 mars, 18h30

Au Conservatoire à Rayonnement Régional de Saint-Pierre

“Taire de femmes”, une création de la compagnie Véli 2009.
“Taire de femmes” se veut être un spectacle où se mêlent les voix, les corps, au service de la poésie. Poésie des textes, des mouvements, des chœurs, de la lumière, des formes. Un enchainement sonore et visuel des univers féminins indocéaniques.

Entrée : 10 euros, 5 euros pour les étudiants.


Kanalreunion.com