Culture et identité

« Zordi, nou doi pa oublié nout histoire ek in gran H »

Fèt kaf Tampon

Témoignages.re / 26 novembre 2012

Zot i wa ; au Tampon, 400, chemin Champcourt, nou prépare in fèt kaf ; na in pé i di : "di pi la fèt kaf, parse sa i concerne pi selman lé moun d’origine africaine ; di la fèt la liberté".

JPEG - 80 ko

Si zot i vé, a nou ni koné lo vin Désanm 1848 — hé moin té pa né — la di a moin ; an Frans laba navé in mouvman po di libère toute bann zesklav dann toute koloni ; té in mouvman la monte an flèche avèk in sertin Victor Schelcher, alorss lo gouverneman de lépoque la nome in komissér té i apèl Sarda-Garriga ; li la passe la Martinique la lir le décret la République, la libèr bann noir, Martiniquais la ginye in date, pétèt en Mai 1848 ; an Guadeloupe li la pasé la libére bann kaf la-ba in autre date ; an Guyane lariv in 10 ziin la minm anné, bann Guyanais i commémore le 10 Ziin.

Li arpran son bato a voile, li dsann l’océan Atlantique, li fé le tour l’Afrik di Sid é li ariv La Rényon ; li fé in tour de lile po eksplik sirtou bann Blan : la loi fransé i fo apliqué ; lo moman larivé po démaré le bann zano an fèr dann pié bann Noir.

Kan li arviin Sin-Deni Barasoi, li anons : "vous êtes libres" ; nou té le 20 Désanm ; dépi, bann moun libéré la pa oublié la date.

Anfin, zot té libre, mé san terain, san in bèf, san in kabri, ou la poin la kaz, la poin larzan, ou sa ou sava ? La plipar té oblizé ress laminm pa tro loin.

Zordi, nou doi pa oublié nout histoire ek in gran H sét ané i tonm in zédi ; nou la pré prépar i li ; nou artrouv.

Benwa Blar


Kanalreunion.com