Hommage

Dédé, paix à ton âme !

André Payet inhumé hier

Témoignages.re / 4 octobre 2013

André Payet dit Dédé Lansor a été inhumé hier au cimetière du Tampon.
Après une cérémonie religieuse célébrée dans l’Eglise du Tampon, le convoi mortuaire s’est dirigé ensuite vers Terrain Fleuri pour sa dernière demeure. Une bande de dalons a offert un hommage musical, instrumental, en fonnkézèr typiquement réunionnais, à la veillée mortuaire.
Paix à son âme et notre souvenir éternel.

Fonnkèr pou Dédé

Dédé, mon Dalon, Mon frèr militan,
kel dépitasyon, kel maladie la mènn aou dan péi la mor ?
Doulèr lo kor ? doulèr lespri ? Ki koné ?
Fatigué espéré in soley levan si nou péï
Fatigué résisté kont Konba d-kok
Ou la di si fo lévé donn pou levé
Ou la trouv sat la lèv dobout
Sat la lèv pou li tousèl
Sat la lèv kont ou
Sat la lèv pou son bann
Sat la lèv kont out bann
Ou la trouv in péï saviré 4 koté
Kel traktèr pou rotras nout somin la limier
Kel grue pou fé lèv nout konsians
Pou rodrès nout linité
saviré dan la divizion
sakinn dan son tournéviré
pou rod in plas kalaz
pou réform nout revolisyon
Dann biro kapitoné
bann asistèr lé an takon
pou gard nout peï kapoté.
Okilé lo tan nout tout ansanm
Té sant
Si pou levé, donn pou levé
Pou détak la lang
Pou nout droi kozé
Pou la tèr pou ti planter
Pour Adekalom pey pa
Pou kréol partou, toultan
Pou tir nout listoir dann fénoir
Tout se bann konba
Nou la mené ansanm, ansanm
Ek ou Dédé
min dan la min,
an fierté in pèp maronèr
in fanal dan nout minm
Maloya la pa nou la fé
Gramoun lontan la fé Maloya !
Oui mé gramoun koméla i krèv dan la dépitasyon
Persone i voi pa
Zarboutan nout peï
Anou minm i bat atèr
Dan la min linstitusyon
kolé derièr in vit
kisa la dévir nout somin
pou fé tonm anou dan la béance
konbien militan
fatigué espéré la rant dan lérans
mi kisa la pou rod tinn nout fanal ?
si pou levé donn va levé
se kou si nout tout ansanm
mèt nout lorgueil si koté
Agard nout Lamour byen anfas
nout révolusyon si nou minm va fé.
Dan la kour nout nasyon, in pèp i domann pou levé !

 Ghislaine Bessière  



Un message, un commentaire ?



Messages






  • Hommage pou dédé lansor Misiér fonker la parti
    Ton fonker va rest dan nout ker
    Kom ou di dédé vangues vangues manivélé
    Nou nou di vangues vangues nout fonker pou ou dédé lansor
    Ou la lance l or dan nout fonker lansor
    Dan nout vie maloya fonker l or la liberté
    Ou la monte a nou ke la per y fé pa per
    Y fau laisse nou fonker exprime son liberté
    L or l argent nana poin
    Mé lo ker nana dan fonker dédé lansor
    Nou oublira pa ou dédé
    Kom ou di oh po kosa la guerre
    Allon vive nou fonker
    Couler la terre nou liberté nout z’ancétre
    Po ou dédé lansor mésier Fonker
    out limier fonker sra toujour dan nout fonker
    HOMMAGE POU DEDE LANSOR
    apataudé marie Chantal

    Article
    Un message, un commentaire ?


Kanalreunion.com