Hommage

In pansé pou Mme Baba

Témoignages.re / 9 zwin 2014

Mme Baba lé parti o péï bann zansèt . Li va rejoign son fami, son gramoun, tout son bann zansèt, tout sat té guid ali dan son vi, té di ali kosa i fo fé, koman i fo fé.
Si Mme Baba la transmi anou in mesaz sé byen sat la : « Ékout la voi bann zansèt, sé zot i koné , sé zot ki di, sé zot ki domann sat zot la bozoin é si nou asept antann zot mesaz, nou lé an kèr ek zot, an pé ek nou minm.

Mme Baba té in grann figir du maloya traditsyonèl, du Kabaré. Son dépar i lès in gran vid dan nout péï. Mé sé anou de konprann son mésaz é de kontinué notre manier viv nout tradisyon touzour an lonèr banna, bann gramoun la mèt sa dan nout min. An lonèr Mme Baba, Gramoun Baba, lo Rwa Kaf, la Reine, Gramoun Lélé, Gramoun Bébé, tout sat lé parti avan li é ke li va rejoign.

Mersi Mme Baba, bon voyaz dann péï Lafrik, Madagaskar, Komor, Larényon, tout se bann péï ousa out zansèt i sort é ke ou la onoré de out vivan. Zamé nou va oublié out pasaz, out prézans dan nout vi. é kom di Danyèl fé byen konpliman mon bann zansèt laba.

Ghislaine Mithra-Bessière


Kanalreunion.com