Hommage

Zigilèr rebélèr popilèr (René Payet)

Témoignages.re / 12 séptanm 2011

Mi rapèl out pasaz animatèr si nout ti radio Sin Lwi (Radio Jeunesse Lumière).
Èk ou dalon Rico Payet, ou fé parti domoun la zigile mon konsyans kiltirèl. Lété a lépok batèm kouto té flamb èk band plantèr 20 désamb Pèr Lafosse. Lété lo tan l’égliz lavé l’anboutéyaz, Reynol èk ou té donn lo domoun lo gou po la mèss an kréol san soutane, ki rapèl pa sé ti mo marmay bondié la zamé di ke i fo l’argen po in batèm, lanterman, maryaz, donn sak zot i vé, l’ésansyèl zot néna la fwa.

Ou lété in bon santiman po mwin, alé Olivier Tienbo la klé.

Jean-Louis Dumont (di Kaniki)


Kanalreunion.com