|
Nout Zournal OnZeWébhttp://www.temoignages.re |
Accueil du site> Culture> Hommage
23 avril 2008
Pou moin, mèm si noré dï plis rand la mémoir Loran dopi avan, le prinsipal lété essèy fane la mémoir Loran, fé viv tout sak li la di, sak li la fé, son importans dan nout péi. Pou moin, lété évidan si té i fé in afèr, moin té la. Navé poin de kestyon pou posé, kan Patris (Treuthardt - Ndlr) la di amoin sa.
Kan i di aou Loran zordi, 20 an apré li la parti, kosa ou mazine ?
Mi mazine in marmay mon laz, déjà. Nou lété dan mèm shemin. Noré pï èt amoin mi té fini alé. Amoin, Loran sé in kombatan ansanm. Dopi nou la komansé, antank jèn, antank zanfan parti kominiss, zanfan de konba, de Rézistans, de rebélion. Loran la fé an plis sa prézans politik, antank élï, antank militan in pé partou.
Moin, sak mi retien, sé in jenès i batay, in pé plis ke zordi... Mi trouv.
Zordi, pétèt lé tro fasil... Nou, kan nou lété pti, navé in mïr an fas. Zordi, na poin in mïr vréman ; sé in espès zafèr na plin le droi, plin léspas, mé bann jèn i koné pa koman okip ali vréman, i koné pa koman prann zot plas.
Somanké, pou bann jèn, lé plï dir koméla, avan, lété plis nèt.
Pou moin, Loran sé in lékzamp pou reprézant in konba, in fors, in rèv, in lanvi, in moun debout. Sé sa Loran pou moin. In moun i larg pa le kor. Ou ginye mèt out konfians é an mèm tan li di aou shakin i avans in bout.
Shakin i avans in bout dessi in modèl, in shemin, in batay. Pou moin, Loran sé sa.
Danyèl Waro
L’espoir de tout un peuple peut se réaliser Fabrice Hoarau condamne l’irresponsabilité de cette démarche « C’est au Réunionnais de faire les propositions pour le développement de leur pays » « Remettre la France en mouvement » Dann tram-trin la, la ou lé alèz ! Paul Vergès pour « le respect des uns et des autres »
Numéro du 23 décembre à télécharger
L’Az Do Fèr La Réunion : avec l’AJFER, le journal des jeunes Réunionnais dans Témoignages.
HommageDéplacements - TransportsLuttes socialesComoresLuttes socialesLuttes socialesHommageHommageOtéHommage
|
Plan du site |
RSS 2.0© Copyright 5 mai 1944-2012 Témoignages | Tous droits réservés.
La reproduction, même partielle, des contenus des pages de ce site sans accord préalable est strictement interdite (les citations sont autorisées par le droit français pour commentaires et critiques, tant que ceux-ci y sont strictement concomitants et que sont précisés l’auteur original et le lien Internet vers la page source).
