Lékonomi

Gerniome-katryèm morso

Georges Gauvin / 21 avril 2015

A-In nouvèl l’aktyalité pou komansé :

In sosyété bann shinoi, Camenae, promyé sosyété bann shinoi pou bann produi d’boté i ansèrv lo zuil ésansyèl, la fé in sézour La Rényon pou vni pass komann l’ésans gèrniome Bourbon. L’avé tout in délégasyon bann médya zot péi avèk zot avèk zot Nout gèrniome i sa ansèrv de baz pou fabrik tout in game produi. Anplis ké sa banna i sava tourn in fime dsi La Rényon. Lo sosyété i sava ashté l’ésans la CAHEB é konmsa va donn in l’élan lo komèrs bann produi d’liks. Zot i trouv pa sa drol ? Pars, zot i koné La Chine sé lo péi ki produi lo plis l’ésans gèrniome. Lé pa étonan si ni koné ké l’ésans gèrniome La rényon sé lo promyé prodiktèr la kalilté. (in lartik i sort dann Zinfo 974 moin la mète an lang kréol)

B) Kèl sèrvis l’ésans gèrniome bourbon i pé rann anou.

In dosyé dsi internet : Stéphanie Monnatte Lassus, aromatologue
Révision : Joëlle Le Guehennec, présidente de l’école française d’aromathérapie (EFAI)
Fiche mise en ligne : octobre 2014. Moin la mète sa dan la lang kréol La Rényon.
Gérniome bourbon :
Li apèl : Géranium bourbon, Géranium bon l’odèr
Li apèl dann lo lang latin : Pelargonium asperum cv Bourbon, Pelargonium graveolens cv Bourbon 
Son famiy dann bann plant : Géraniacées
Lo bann ransègnman i trouv dann dosyé-la lé bazé dsi la manyèr demoun i ansèrv de sa, ; sa lé rokonip par bann éspésyalis « l’aromathérapie ». é moin la parti rode sa dann plizyèr dosyé dsi internet.

Astèr mi rapèl lo konpozisyon l’ésans gèrniome bourbon.

Sé in n’afèr moin la fine indiké, éan mèm tan moin la ékrir tout bann luil gèrniome na poin lo mèm konpozisyon é sé sa k’i fé désèrtin na pli bon kalité.. L’uil de gérniome Bourbon, fé La rényon lé lo pli bien aprésyé. Sé èl k’i ansèrv pou ziz lé z’ot, sé èl k’i ansèrv pou ziz la kalité l’ésans. Dabor na poin in bonpé cétone anndan é d’apré sak i di sé sa k’i fé lo kalité nout l’ésans. Arzout èk sa bann l’alkol nana anndan konm lo citronéll, lo géraniol té i di sa lo rodinol, é lo linalol.

Koman luil gèrniome i ansèrv médikaman.

Solon bann aromatolog bien répité l’esans gérnium i pé, ède songn in bonpé kayité maladi :

L’ infeksyon par bann viris épi par bann baktéri. Li pé z’ète in bon trètman pou l’akné, bann brilir, la kouproz, bann dermatoz. Li lé bon osi pou bann mykoz la po, bann po lé fine afayir, bann boubou, lo koupir konm sègnman lo né, bann rid, vèrjétir, zémoroïd, bann krévas dis tété bann madam, bann maladi la linf, bann vène, lo doulèr d’ règ, doulèr lo misk, doulèr artikilèr, épi rématis.

Armète la dsi, li donn la min pou kalm l’azitasyon d’moun, pou demoun angoisé, pou sak i gingn pa bien konsantr z’ot léspri, sak la poin konfyans dan zot, bann moun déprimé, sak lé émosyoné pou arien, sak i dor pa bien, sansa avèk difikilté, sak lé an kolèr pou in oui pou in non, domoun nèrvé, éstrésé, mové z’imèr pli souvan ké zot tour.
L’uil gèrniome lé an kapasité pou :

– arète l’émorazi (propriété Hémostatique)
– sikatriz bann boubou (propriété Cicatrisante)
– arète bann doulèr i sava épi i rovien (antispasmodique : médicaman pou arète bann spasm) : kontraksyon, la kranp , konvilsyon.
– kont l’inflamasyon (sa i diminyé doulèr z’artikilasyon.
– kont l’inféksyon
– donn l’énèrzi bann z’organis (par lo sistèm linfatik)
– stimilasyon lo foi, épi lo pankréa. Stimulante hépatique et pancréatique
– i kalm, i rolaks.

Koman i ansèrv médikaman – la.

Les indications ci-dessous sont listées par ordre alphabétique :

Bienfaits immunitaires :
I pé fé z’inalasyon, i pé difizé, i fé masaz lo do, kolonn lo dosou d’pyé. I pé songn osi par anndan solman i fo domann konsèy in profésyonèl. vèrtébral

In bon l’éfé pou la po :
– Pou l’Akné, lo Brilir , lo Couperose, lo Dermatose. Fisir. Mykoz pou la po, lo zong : i fo délèy dann luil vézétal konm luil z’amann épi pass sa dsi lo bout i fé mal. diluer. La po abimé, sèk : konm an o la.. Boubou, koupir avèk singnman konm l’ilsèr bann varis : mélanz dann l’uil épi pass dsi bann l’androi lé ataké. Pou bann ride, délèy dann in l’uil vézétal sansa in krèm, épi pass dsi lo morso ataké. Singnman d’né : fons in koton tranpé dann gér dann lo trou d’né. Pou bann vergetur, i fo délèy dann luil vézétal, sansa in krème épi pass dsi lo bout l ataké.

Bienfé pou la dizéstion :
– Mykoz : alé rann in vizit in profésyonèl (in thérapeuthe)
– Troub la dizésyon, la nozé : parèy ké an l’èr-la.

Bienfé pou lo kardio-vaskilèr :
– z’émoroïd : pass inn-dé gout l’ésans dsi lo bout ataké.
– Pou la linf é pou lo vène : délèy dann luil épi friksyone la zanm.

Bienfé pou lo sistèm iro-zénital.
– Mykoz vazinal : rann vizit in profésyonèl.
– Lo sin bann madam i donn de lé zanfan : dilèy dann luil vézétal konm luil zamann épi aplik dsi bann morso i fé mal.
– Troub lé règ : mass lo ba d’vant.

Bienfé pou bann misk épi bann z’artikilasyon

Dsi lo plan psycho-émotionnel

L’ésans gèrniome i kalm é i trankiliz lo moun.
I donn la fors lo moral.
Pou pran prékosyon
Lo myé sé oir in thérapeute pou pran l’ésans gèrniome dann lo méyèr kondisyon.

Prékosyon pou pran l’uil gèrniom

Compte tenu de ses propriétés curatives l’essence de géranium n’est pas anodine et le patient peut être utilement conseillé par le thérapeute.


Kanalreunion.com