Lékonomi

L’ésans jerniome (troizyèm morso)

Georges Gauvin / 14 avril 2015

Lo L’artik samdi 11 avril, G. Gauvin la mète an kréol rényoné.

JPEG - 27.2 ko
Alanbic

Pou arvni in pé an aryèr :

Solon bann dosyé la CAHEB « Nana dé kalité jerniome, sak nana gran flèr épi sak bann fèy i san bon. Sé lo dézyèm klité k’i ansèrv pou fé l’ésans jerniome. Dsi zot fèy nana bann ti gigine poil an poundyak, branshé dsi in bann ti reservoir-I apèl sa bann gland – Kan ou I kraz bann fèy la dann out min, in gayar pti parfin I sort ladan. Sé pou sa la nonm ali pelargonium bon l’odèr-pelargonium odorant si zot I profèr

In distilasyon tradisyonèl lé malizé

Ni koné lo bann difikilté : nana pou komansé la késtyonn lo épi koman alé rodé, épi i ansèrv do boi é sa la pa in n’afèr fasil, lo tan k’i pran pou tir d’luil dan la kuite, épi lo fèb kantitél’ésans i tir dsi in takon fèy,. Lé sir sé in n’afèr la bézoin modèrnizé mé sa i sava avèk in pli gran prodiksyonn fèy dann karo. arzout èk sa i fo déblok in pé bann frin lo distilasyon.
Késtyonn boi lé fézab dé modèrnizé :

A) Rodaz de boi.
Sa lé obligatoir épi la bézoin in bonpé, épi i mète lo tan pou ramasé. Arzout ankor lo pri sa i kout pou ramasé é pou transporté é an plis lo transpor i kout shèr.

B)lo gaspiyaz dann l’énèrzi  
Pou in kuite, i fo san kilo la vapèr pou sring lo luil amasé dann bann ti rézèrvoir kouplé sanm bann kantité pti poil., i fo shof dé san sinkant lit dolo san lite k’i ansèrv pou vréman, donk san lite itil épi san sinkant lite pou anpèsh la sirshof lo fonn la kiv.

C) lo difikilté pou kontrol do fé.
Pa lo fèt lé long pou shofé, épi lof é lé pa tro régilyé. Arzout èk sa lo tan k’i fo pou mète la kiv la tanpératir k’i fo. pou shak kuite.
Lé posib pèrféksyone lo sistyèm pou an avoir in méyèr rannman é pou konomiz la min d’èv..(dossier la CAHEB)

A)-lo rodaj dolo  
Olèrk mète lo distilri kosé sanm in fonn ravine, lé posib fé bann ti rotni colinèr(suivan lo kourb do nivo). Si zot anplasman lé bien étidyé, pli o ké lo four, é si i ging dolo shak foi la pli i tonm an sifizans é i ranpli la kiv fasilman. Lé myé ké si lo poinn lo lé pli bak é lo four é dann in fin-fonn ravine avèk in korvé d’lo pa posib..

B) Mète la shène otour d’lo sharjman é mont sa dsi in raye. Konmsa i transport bann déshé in manyèr près otomatik ziska la fos pou konposté.

C) L’éstokaj doboi épi lo four avèk l’èr sho k’i sirkil..
sistèm-la lé o poin épi i tiliz pou d’ot plant : rézilta, i tir plis do luil é é lo tan la kuite lé diminyé. An plis i konoiz lo konbistib. Arzout èk sa i pé ansèrv bann brilèr san boi : lo l’étid la Caheb i antrovoi la posibilité ansèrv lo gaz avèk pétrol.. Moin pèrsonèl mi oir plito lo solèr, ép pétète lo gaz i pé tior dann lo konpostaz jèrniome li mèm avèk d’ot déshé..

Solon la CAHEB i fo bann distilri na méyèr pèrformans ; zot i nparl mèm bann CUMA : kopérativ matèryèl agrikol. Avèk konm poinn vizé, diminyé lo tann kuite, goumant la kapasité bann z’aparèy, é konomiz tanpir k’i pé lo konbistib épi lo min d’èv. Nou la fine dir solisyon nana, é lafine fé l’éspéryans dopi kéktan po rékipèr l’ésans jèrniome, épi d’ot plant i donn parfin.

Une huile essentielle de qualité..

Dann dosyé wikipedia i di l’ésans jèrniome i fé shé nou lé rokoni pou son kalité par lo fèt son konpozisyon shimik. L’uil jèrniome k’i fé shé nou lé lo pli roshèrché é lo pliéstimé. Sé par èl k’i joj lé z’ot luil. Son kalité, èl i doi sa par son l’ékilib dann son konpozisyon shimik : na poin bonpé cétone é lé rish an l’alkol konm lo citronello, lo jéranyol, épi lo linatol..

(la pankor fini)


Kanalreunion.com