Aswar nana in kabar fonnkèr parkoté la médiatèk Lo Por anndan-là nana in takon fonnkézèr. André Robèr, fagotèr d-liv, responsab zédision K’A i roganiz in lantouraz la poézi, po andoumièl nout zorèy, po gafourn nout lespri. Bann zwar lo mo, Babou B’Jalah, Francky Lauret, Mickaël Courteaud, Claire Karm, Axel Gauvin, Dédé Lansor, Patrice Treuthard, Annie Darencourt i sar mèt ansanm. Fonnkèr an fèt, kozman po lo kèr, nora in gayar manzé po lespri, vien azot. La port lé gran rouvèr. Dawara zot va giny lo gou lir bann liv kréol, aprann zistoir lontan, ousansa boir tout lo kozman mazik nout péi. Vien zot don ! i komans si z’èr lo soir. Rant azot dann salon, n’a kozé nou don !

Hénel