Nana in patoi i di konmsa :" I donn pa lë shatt pou vèy la grès". Mi majine sa lé vré, dann tout sort ka, sof koméla la grèss na pi tro favèr pou fé kui manzé. Sa lé vré sïrman pou larzan, lo bondié bann kapitalis.
Zot i koné,nana demoun la min lé long,lë doi i kol,alor kan bann biyé larzan i pass pa tro loin, olèrk alé landroi li doi alé, li tronp dirékssion.Sirtou si nana dé sèrtin i fé travay zot koko pou tronp lë mond.Mi fé in sïpozission, par égzanp, vann la tèr lé pa pou vann..
Dëpü dé-troi moi, nana tout sort kalité la frode dann sïd La rénion.Bann politisyin la droit lé
mayé dann bann trikmardaj konm sa.Pétèt zot i majine zot na tout bann droi.Pétèt zot i pans
pèrsonn i fé ar pa zot rien.Bann la droit-la, souvan-dé-foi, zot i kroi zot lé propriétèr lë péi.
Konm kart lé dann zot min, zot i ansèrv .Konm di lë kont :"Ki bat dï bèr, lish son doi."

Justin