(Page 16)

Pou bann dirizan l’UMP.S., i fo sirtou pa zélèktèr i “tronp skritin” é i pran référandom pou prézidansièl. Mé parkont, zot - l’UMP konm le P.S. - zot i konte évidaman si référandom pou ésèy replas’ azot pou prézidansièl !

Ala poukoué la panik l’UMP.S. i grinp èk la kourb sondaz. Nana d’ koi. Mazine inpé, 55 poursan pou le “non” é rienk 45 poursan pou le “oui”. Sa i vé dir la mazorité o pouvoir é le prinsipal parti lopozision lé larzman minoritèr dann lopinion. Rotromandi, le pouvoir é son laltèrnans’ sipozé lé rédui a linpuisans’. Akoz ? Parske zot la mèné, zot i mène ou zot i konte mèné le mèm politik la kas’ sosial ! !

An replasan lékonomi o sèrvis’ de moune, o sèrvis’ la sosiété, le “non” a la Konstitision la déza ranporte in gran viktoir. Dimansh, alon rann viktoir-la pli fékon ankor, sirtou pou nou Rénioné. Sa i pas’ par in “non” fran é le pli masif posib ! ! !

Justin