Pass kal par-là, véyèr la kok par isi. Zistoir la politik an Franss. Sarko èk Ségolène i batt la sianss. Ala pa inn i mazine fé in ti voyaz fantézi po fé la pib po bann sosialis. Ala lot i kass tout. Lo patron l’UMP la pass inn somèn avan.
Wi, n’i pé dir : périod zéleksion la fine komansé. Astèr n’i pé konté dési bann kou-ba, an misouk. Va fé konm bann sitcom po amiz la boush.

Soman, ousa i lé bann vré réponss, po bann fransé, po bann rénioné, po nout frèr dan lé DOM. Kansa va anons in plan po palank shomaz dann loubli ? Problèm lozman, kansa va okipé ? Kisa va protèz lo sèrvis piblik ? N’ankor bonpé po maziné, afèr i ral ladilafé, olèrk travay po avansé ?

Justin