La foi dèrnière, mi koz èk in lèktèr. Lù la demann amoin : "afèr ékri kréol ? Akoz Zistin i ékri pa dan la joli lang Molièr ?".
Moin la jùss di alù : "akoz ou koz èk moin an kréol, si ou préfèr ékri an fransé ?". Lù réponn amoin : "sa mon lang natùrèl, mé mi gingn pa lir kréol".

Demoun lé ilétré dan zot prop lang. Poitan, moun kréol la pa plù bèt. Agard Axel Gauvin, ékout Danyèl Waro, lir bann fonnkèr Babou B’Jalah, rakont zistoir gramoun Honoré, rir sù bann kozé-poèm Pièr Waro. Tout demoun là i koz, i ékrir kréol, san nior zot kotpar fransé. San fé in gran lang èk la Franss non-plù.

Amoin Zistin, va kontant mon lèspri kan bann Rénioné va batay pou zot zarlor kiltirèl, zot lang ansanm. Lir sa. Arèt batt la lang pou kraz kréol-là. Sa la lang moman-papa, mémé-pépé. Respèk alù.

Zistin