Na par la 450 marmay i apprann sinoi, mandarin, dann lékol La Rénion. Bann fami i mét ansanm pou pous sa pli loin. La pa akoz sinoi in lang anséstral, tir sa dann out tét, si té pou lamour le vyé fami solman, noré osi plis domoun pou domann kréol dann lékol.

Si nana télman domoun dann ron mandarin, sé akoz la Shin in gran péï. La pa télman son koté milénèr i ral domoun, pa rienk son kiltir... Sirtou, la Shine in gran péï ékonomik, si ou koz sinoi ou lé riskap giny in bon travay, in bonpé larzan... nir in moun inportan.

Bann lang i mars koma, solon sak zot i raport dann kér, mé avan tout solon sak zot i raminn dann la pos. Pousa lékol, sinon domoun, i vé pa mét kréol anlèr ?

Zistin