Nout bann dalon,
L’avnir nout péi la pou drèss dovan nout zië : delo i sava baskil ès-an-ouès, rout tamarin i avans an flèsh, in nouvo rout an kornish i sava zoinn Sinni avèk lo Por ; Tram-trin dann sink-sizan i sava roulé, la mézon sivilizasion i ariv san tardé, nou sava sèy produi tout nout lénèrzi par nou-mèm.

Nana kamarad i travay pou mèt anlèr "lil-nimérik". In pti péi, koman nou, i sèy donn la min nout bann péi frèr, frèr épi mizèr. An plis ké sa, nou fé antansion pou protèz la natir, épi mèt anlèr nout kïltïr.

Dalon La Rénion, dalon nout péi, dalon jènn.
Sü kissa nï sava konté pou mèt anou dan la modèrnité ? Sü kissa nou sava konté pou mèt La Rénion nouvèl an lèr ? Tard pa nou sar in milion, tard pa nou sar in bon pé. Nora in bonpé kapasité dan nout péi.

Bann gatèr, bann nien-nien, bann ti mizèr, bann ral La Rénion par déyèr, nou va anvoy azot dingé. La pa zot lavnir lë péi. Alon montr lo kapab zénérasion dalon.

Justin