|
Nout Zournal OnZeWébhttp://www.temoignages.re |
25 mars 2009
Toulmoun i koné la-ba Boi-Rouz épi Le-Gol nana lizine i fé léléstrisité. Pou fé sa, zot i ansèrv sharbon épi la bagas kane. Toultan k’nana la bagas, i bril ; kan na pi, i bril sharbon tèr.
I paré sa sé in progré, pars dann in pé péi, i bril aryink sharbon, toultan, é sa i polyé l’èr...
Promyé débi, bann plantèr té i gingn pa aryin déssi la bagas ; épi, firamézir, zot la gingn in pti moné, mé pa an sifizans sélon zot.
Pars la pa bézoin ashté sharbon pandan in bon koup de tan, lo tan la koup donk i dépans moins larzan, épi i protèz la natir vik i larg moins gaz karbonik dann l’èr. Donkalor bann plantèr i domann rogoumant in pé z’ot prime bagas. Désèrtin la pas dann télé pou di sa. Byinsir zot na rézon !
Mé pou apiy zot koz — konm diré l’ot "gronouy la bézoin lo roi" —, zot la parti rod Virapoullé... Solman, boug-la lété sokrétèr la Fédékanne kan, lané 1969, la sign in lakor an kit-ta-bouèt.
Zistoman, dépi so lakor-la, bann plantèr té i gingn pi aryin dési bann sou-produi la kane, la bagas an parmi ! Zordi, li fé konm si li lété lo gran défansèr plantèr.
Alé oir li-mèm la plant kouto dann do, sé pa konbyin mil plantèr... Oté Vira, ti kalkil plantèr la fine obli atoué ?
Justin
Noré bézoin demoun insolit konmsaSa i évit anparl bann vré problèm La Rényon !Dann tram-trin la, la ou lé alèz !Dan bann gran prozé, l’èr l’arivé pou mèt in pé bann gazé a l’ord ! I fo shanj de baz ! konm i di dan l’internasyonal I fo ni artrouv nout vré valèr ! Méyèr program, sé sak lo prézidan ! Plis lo kontra nou la sign avèk li ! 
Numéro du 23 décembre à télécharger
L’Az Do Fèr La Réunion : avec l’AJFER, le journal des jeunes Réunionnais dans Témoignages.
Luttes socialesL’invité(e)Luttes socialesEconomieOtéLuttes socialesPolitiqueCanne à sucre - crise structurelleCulture et identitéPolitique
|
Lakart lo sit |
RSS 2.0© Copyright 5 mai 1944-2012 Témoignages | Tous droits réservés.
Reproduction, even partial, of the contents of pages on this site without prior consent is strictly prohibited (short citations are permitted by French law for comments and criticism, as they are strictly concurrent, and are specified the original author and the Internet link to the source page).
