Actualités

Séktion Tampon : « Kont pa tro si bann moun déor »

La Rényon nout péi, PCR nout parti

Témoignages.re / 3 novembre 2012

A nou tou lé mardi swar nou rate pa ; la permanans la kaz Jano Técher, chemin Portail, nou éksplik fir a mezur koman lo konsey la rekonstruksyon i avans.

JPEG - 41.8 ko

Dabor, lé manm lo konsey i ékspoz sat la diskité lo lindi po la direksyon kolégial ou lo samdi po lo konsey. Lot zour lavé in séminèr in zourné La Possession. 
Sa in nafer lé long.


Dobor inn, na in kamarad i fé laktialité politik dan lo monn, Lérop, la Frans anfin La Rényon. 
Zot i koné, partou la kriz ; parl pa isi ; 
Nout ti péi-la i bate tou lé rekor : somaz a ou, lozman sosio a ou, bann moun i koné pa lir koné pa ékrir a ou, zinégalité rant domoun...


JPEG - 32.6 ko

E na lontan sa, i trinn konm sa na poin in gouvernman Paris i giny arèt sa, minm pa ralantir.
 Pli li va é pli ki anpir zour an zour.
 Apré nou débate antro nou.
 Souvan nou ariv la konklizyon : i fo in gran sanzman ; lès a nou minn nout bato par nou minm ; na ginye débrouy nout kary... kont pa tro si bann moun déor. Zot la fine fér la prèv zot i giny pa.


Benwa Blar

« Lénèrzi i mank pa nou, lès a nou fé »

Nou la parl osi "la conférence économique et sociale... nou voulé azout environnementale... oubli pa lo kiltirèl !"

Bon, nout parti la demann in diskisyon kom sa i fo fé sa La Rényon po nou dan nout environnement géopolitique. Dan nout kontèkst d’ile tropicale india-océanik ; nout karo kann, sou nout soley, la mèr i antour a nou, nout volkan... sak i wa pa dépi Paris, isi toute swite li wa : lén’rzi i mank pa nou ; lès a nou fé ; fotovoltaïk, géothermie, la houle, le vent ; avèk lénèrzi kom sa, la pi bézoin inporte pétrole, sarbon, tou sa la, nou ékonimiz konbienn milion ? Lès a nou konstrui nout ray depi Sin-Bénwa ziska Sin-Zozèf ; nou fé roul nout trin élektrik "ziska polisyon nou la pi" nou réspir lèr pir... ko sa sa !


Benwa Blar


Kanalreunion.com