Zistoir-la i komans konm in kont noèl. In télé i vé amontr koman bann fransé, kan i bouz in pé, i sava déor, na moiyin fé pète la kol. Alor, li pran déssèrtin ka bann zékspatrié, épi li amontr koman banna i réissi pou vréman : gran kaz li, loto li kout pli shèr in trézyèm moi pou tout bann travayèr, biro, lordinatèr, vakans, tantine, étsétéra, étsétéra, la ké lo ra.

Sof ké in zour, bann travayèr i oi zot pla azot i gonf pa. Alor, zot i sava domann zot dü. Ala batay i pète. Travayèr i mète atèr. Inn an parmi i gingn koud zèl loto. Apré, sa i déroul konm la shène krapo : I an apèrsoi la pa réspèk règlemann’travay, règléman sü lamiante, in poizon séryé lé ga : an moin n’tan ki fo, li mète oute santé an pyès. Patron i arash lo kro 37 travayèr. La i sava dé tribinal, mé so kou issi, bann travayèr i gingn pa tor.

Ay ! Ay ! Ay ! la pi bon ditou. Komansman, la finission i vien. Oté ! In pé i fé pa konm poul ki ponn zèf an or, inn par zour. Solman si ou rouv lo vant, pour sür wi sar pa trouv in tralé zèf an or, inn soman par zour ! La ou lé fouti ! Soman, tansion, sa la pa z’afèr Riefel mèm si i rossanm in pé !

Justin