> Limalaya, Lil a Maya Kriké kraké ! sat i kré fé pété !

LAMOUR KOSMIK

Fe’noir fine anvlope’ landroi ousami le' Grofe'noir e'pe' minm , vi gin-ye pa oir oloin La, dan la nuite aster,

Ma rakont aou sa, ou va pa kroir amoin La, dan la nuite aster,

Mi lev la tet anler, la lune i ri ek moin

Pardon po le respe’ mi doi porte’ po ou

Oui ! Dan la nuite, ma fi , mi lev la tet an-ho

Zetoil anler dann siel le' antrinn fer le' zie'dou Po fer konprann amoin monte anler fer Lamour Po ou arive ek sa i fo kel grander d' tour Vi sava monte batir  si l’piton n’ Salazi

Koman mi sava fer po monte oir mon Ze’zer

Po mon gin-ye regarde’ dan le’ zie’ mon Ve’li

In bon tapi volan i sere’ fante’zi

Mon kor fine alourdi , i pez amoin ater Po vole' dan le'zer moin napoin la mazi Taler sera tro tar , s'ra parti mon Ze'zer Mi rakont aou sa, vi pans moin la fine fou

Daoir dan mon fe’noir mon koko la bloke’

Fe’ lespe’rians ouminm , Bondie’ va toune la rou

Ou va oir saminm-minm kan ot rou va tourne’

Kan fe’noir fine anvlope’ landroi ousavi le' Grofe'noir e'pe' minm , vi gin-ye pa oir oloin Dan la nuite, ou va oir , aster siple'tadie' Lev bien la tet anler ou va oir sak vi ve' Fodre' kroir na d' shemin po monte o se'tiem siel

Po fer Lamour kosmik an pe’i larkansiel

Sinonsa, ale’ ! di amoin akoz ?

Kan fe’noir fine anvlope’ landroi ousa` vi le’

Grofe’noir e’pe’ minm, vi gin-ye pa oir oloin

Akoz anler, la lune, el la po rir ek ou

Par kote’, kel mister, le’ po atann aou

Ze’toil anler dann siel le’ po bat’ in zie’ dou

Suryananda