> Espésialis Fonnkèr, chercheuse en littérature

Kre’ol salang-la kisa lang ?

Salang la gout aou! Plat oubien sale' na rannkont Lang-la, ta gout anou !

Kre’ol salang-la anfinnkont

Inn lang po nou inm anou !

Si nou na in goute’,pran an kont

Vien lapo gout anou! Sa pa in lang laskar po ’nir langet aou

Sapa in lang loubar po pik an lougarou Sa pa in lang kaniar pa in lang ramatou

Sapa in lang be'bet, sapa in lang boubou Sa la lang ot Momon, port in respe’ po ou

Sala lang ot papa, ale' port sa partou

Ta sort dann Matouta t’ale’ di sapartou Sa la lang la Re’nion,ton pe’i Goutanou

Sapa la lang lo diab, lo diab li na son lang Li na zoli koze' me' na lo ker papang Tousak moin na pou di dan mon lang mi vienbou Saminm mon lang zoli an paon i fe’ la rou

Konm in l’Ylang-ylang dan not fonnkour anou

Sain lang flanboyan konm in flanbo po nou Lang de feu shatoyan dan not pannkot anou Sa in lang poinse’tia, nout lang in poin se’ tou

Kit pa l’Ylang-ylang langi dann bor la rout

Kan lang do boi verni i tras ’si lotorout

Sa` minm mon lang rasine an patat larourout

In lang an fonn marmit po nou gin’y gout la krout

Suryananda