Pétaz de kab, rashaj de kro, koupaj de tète é konpagni

D’apré sak mi antann… solon sak bann éspésyalis i di dann télé : an parmi bann jouar, nana bann bon jouar an France. Solman, in pé i di ossi na poin in gran lékip. Lé vré ? Lé pa vré ? Sa mi koné pa. Sak moin lé sir, sé k’dépi in pé d’tan, lékip la France na poin bon rézilta. Akoz sa ? Moin pèrsonèl, mi koné pa, mi akoute bann komantézèr. Pou zot, la pa gingn fé in bon lékip, épi zordi, konm k’i diré, sé in gato mal kui.
Ala éstèr, toulmoun i fé lo doktèr, i rode bann sign la maladi… lo romède ziska ! Lé in pé tar, (...)