|
Nout Zournal OnZeWébhttp://www.temoignages.re |
Accueil du site> Chroniques> Oté
30 mai 2009
Toute z’afèr i roul ron !
Nana par-la san-sète mil pèrsone i rode travay é i trouv pa !
Toute lé bon mèm !
An parmi bann moun i rode travay, nana plis sinkant mil pèrsone nana moin vinn-sink an !
Toute lé bèl !
Plis kat san mil pèrsone i viv dan la povrété !
Toute lé roz !
Nana près vin pour san d’moun i viv dan la mizèr noir !
Toute i gaz !
Plis san dis mil pèrsone lé ilétré !
Bann rotrété, an mazorité, i tir lo dyab par la ké ! Bann érémis z’ot finn moi i tonm avan le kinz ! Bann shomèr lé dépité ! Bann ti lantropriz i koné pa koman va nyabou tèrmine l’ané !
Toute i roul ron !Toute lé bon mèm ! Toute lé bèl !Toute lé roz !
La pa vré sa ! Nana in gran danzé ! Virapoullé la débiské : Magdeleine Granmézon lé déssi la list L’alyans pou l’outre-mer !
Oté ! La lé grav-la... plis ké grav : mortèl ! Rozman, a part-sa, tou va tré byin madam la markiz !
Justin
Noré bézoin demoun insolit konmsaSa i évit anparl bann vré problèm La Rényon !Dann tram-trin la, la ou lé alèz !Dan bann gran prozé, l’èr l’arivé pou mèt in pé bann gazé a l’ord ! I fo shanj de baz ! konm i di dan l’internasyonal I fo ni artrouv nout vré valèr ! Méyèr program, sé sak lo prézidan ! Plis lo kontra nou la sign avèk li ! 
Numéro du 23 décembre à télécharger
L’Az Do Fèr La Réunion : avec l’AJFER, le journal des jeunes Réunionnais dans Témoignages.
PolitiqueLocalChangement climatiqueCulture et identitéOtéPolitiquePolitiquePolitiqueEconomieCulture et identité
|
Plan du site |
RSS 2.0© Copyright 5 mai 1944-2012 Témoignages | Tous droits réservés.
La reproduction, même partielle, des contenus des pages de ce site sans accord préalable est strictement interdite (les citations sont autorisées par le droit français pour commentaires et critiques, tant que ceux-ci y sont strictement concomitants et que sont précisés l’auteur original et le lien Internet vers la page source).
