Temoignages.RE - Home |   | Cont@ct  |  Flux RSS  Podcasts  Nous suivre sur Facebook  Nous suivre sur Twitter  Temoignages.RE on Google Plus  World Wide Web Consortium - W3C.org
Temoignages.re

Nout Zournal OnZeWéb

http://www.temoignages.re

Lakey lo sit> Chroniques> Oté

Travay myé pou gingn plis ? Kréol i vé solman travay

31 zanvié 2011 Justin




Partager

La pa in promyé avril, mi pans ! La pa in bob, vi k’la pass dann télé, épi dann radio, épi ankor dann zournal ! É la pa ninport de ki la di in n’afèr konmsa, é anplis l’avé in bann témoin… plizyèr santène, d’apré sak moin la antann. Sa in drol z’afèr an vérité ! Figuir azot, méssyé Zan-Fransoi Kopé, lo shèf l’UMP, lo parti lo pti prézidan, la déside lans in drol kozman. Apré lo « travay plis pou gingn plis » Sarkozy la invanté é la fini an lo d’boudin pou bann travayèr, ala ké l’UMP i vé lans in nouvo tik-tak : « travay myé pou gingn plis ! ». Lé for in n’afèr konmsa !
Pou kosa i di sa ? Pars bann travayèr i travay mal ? La pa vré ditou. An kontrèr, dann la France, bann travayèr i travay bien épi i travay in bonpé. Toute bann shif i di sa ! Myé k’sa, bann travayèr i gingn moins-an-moins, par raport sak zot i produi, é bann z’aksyonèr é bann éspékilatèr i gingn plis-an-plis.
Pou nou, La Rényon, sa in kozman karéman insolan : issi na plis san sèz mil shomèr katégori A, plis san karann-troi mil si i azout bann katégori B ansanm. Karéman insolan ossi si i kalkil gouvèrnman la diviz par dé lo nonm kontra-édé, si i pans sé l’UMP la siprime bann gran shantyé té paré pou komansé é paré pou donn Kréol travay.
Alors, pardon-éskiz, mé travay myé pou gingn plis, sa ni vé pa. Konm nou té i vé pa lo « travay plis pou gingn plis ». Pars sé travay k’i mank anou ! Kréol i vé sinpleman gingn i travay !

Justin

Imprimer, Print


Partager

Po réponn si lartik-la


lé modèré-dovan

Forom kozman lé modéré-dovan : lé néséser inn komander la finn konfirm ali pour out kontribusyon i aparé an liyn.

Inn modékri, inn ti lavi, inn komantèr ?
  • (Pou kré bann paragraf, lès sinpman trwakat liyn vid.)

Kisa ou lé ? (réponn lé pa obligatwar)


Larényon -> Monde




SPIP | Lakart lo sit | Po swiv lo vi lo sit RSS 2.0
Témoignages - 6 rue du Général Emile Rolland - BP 1016 - 97828 Le Port Cedex
Annonces légales | Rédaction | Publicité
Directeur de publication : Jean-Max Hoarau | Mentions légales | Contacts

© Copyright 5 mai 1944-2012 Témoignages | Tous droits réservés.
Reproduction, even partial, of the contents of pages on this site without prior consent is strictly prohibited (short citations are permitted by French law for comments and criticism, as they are strictly concurrent, and are specified the original author and the Internet link to the source page).

Haut