« Kan wi pran in déssizion alé oir o boute di boute di boute lo rézilta »

Médame zé méssyé, la sossyété koze èk mwin sé koze èk in kouyon mé sé o pyé d’lo mir k’i oi lo masson.
Mézami, mi rapèl in zour - étan pti – konm mwin l’avé bien lir lékol, la métrèss la done amwin in liv lékritir té gro, déssin lété gayar, é lo zistoir la bote amwin. Sé listoir in marmaye i trouv in zèf dann la savane. In zèf pli gro k’in zèf zoi é li la ramass sa. Apré li la zoué ansanb é momandoné lo zèf la éklo é kossa la sorte anndan ? In dinozore.
Bien zantiye é konm li l’avé père son paran li la kashyète lo (...)