Oté

« In kouto i rakl pa zamé son mansh »

In kozman po la route

Justin / 28 zwiyé 2021

JPEG - 43.6 ko

Médame, Méssyé, La sosyété, koze èk mwin sé koze avèk in kouyon, mé sé o pyé d’lo mir k’i oi lo masson.

Mézami, ni konpran bien kossa provèrb haïtien-la i vé dir sanss prope. Pèrsone la pa vi in kouto apré rakl son prope mansh, i fo in dézyèm kouto pou fé sa. Astèr ni pé majine in provèrb kréol rényoné k’i di « in min i lav l’ote ». Lé ga zot la déza mazine in moune apré lav in sèl min avèk so min-la ? A kou sir sa i doizète difissil pou fé. donk nou lé dovan in provèrnb négatif !

Mé si ni di in min i lav l’ote, ala in provèrb avèk in konténu pozitif : la solidarité. Na pwin lontan in lassosyasion l’avé pran konm mo d’orde lo, kozman mi sorte marké, donk in min i lav l’ote é sa sé in sinbol la solidarité konm mwin la di an-o la. Mi diré kozman rényoné – la, néna lo mèm valèr ké kozman Haïti mwin la mark par anba la.

Alor, mé zami, mi in vite azot pou rofléshi la dsi, é ni rotrouv pli d’van. Sipétadyé.

« Kouto pa janm grate manch li. » : provèrb haïtien.