Oté

« Voizin sé famiy »

In kozman pou la route

Justin / 27 zwiyé 2021

JPEG - 43.6 ko

Méssyé, médame, la sossyété koze èk mwin sé koze èk in kouyon mé sé o pyé d’lo mir k’i oi lo vré masson.

Mézami, ni kontinyé noute shomin an parmi bande provèrb péi Haïti. DannProvèrbe-la la sazèss bande demoune landroi i konsèye anou trète noute voizin konm ni trète noute famiye.lo voizinaz sé la é la solidarité i zoué son rol é sa lé vré dann péi demoune lé mizèr sansa i konète bande katastrof, bande maladi i di bien sé kan lo moune lé dann malizé ké zot lé pli solidère. Mé néna famiye é famiye, konm néna voizin é voizin. Lé ga sa i fé panss amwin in provèrbe kréol rényoné é provèrb-la i di : bon voizin, kouzin jèrmin, mové voizin pinèz morpin.mi panss zot i koné sa, zot i koné mèm sa lé vré san pour san.

Alé ! mi kite azot rofléshi ladis é ni rotrouv pli d’van. Sipétadyé.

Vwazinaj se fanmi-provèrb péi Haïti.