Kalkil mantèr,ramass mantèr, pas la pintir, sharj delo, sa i pratik bonpé, sa isi. Désèrtin moun sé pou fé valoir azot, d’ot sé pou kritik a tor zot voizn, sansa sa zot famy. Nana in pé i manti par parès olèrk alé rod la vérité, sansa
An parmi bann mantèr, nana désèrtin z’om politik ! Zot i ansouvien lo"koup pa nou !" ? La pa riyink moun boushé la fé pran azot dann kol jak-la, nana galman demoun "intélizans". Dann in kanpagn pou zéléksion, nana tout kalité la mantri i difiz ; nana tout kalité fo promès i sirkil.Nana sak i di for, nana sak i di dousman. Bann gran radio, bann télé, bann gran zournal i fé konkour pou oir kisa va difiz lo pli gro mansonz sansa i port atansion sï bann zafèr tia-tia, i oubli sak lé inportan.
Alor koman i fé pou konbat in nafèr komsa ?Koman démay la vérité an parmi tout in bann krak ?Koman sak lé vré v’ariv ziska lo zorèy lo moun.
I fo nou réfléshi sï in provèrb malgash. li di : Dann san kozman,nana inn mèm i di lo vré. Alor, i fo lo vré-la, ou répèt ali, plis ké san foi san foi.

Justin