Oté

« I koupe pa in koshon dë foi »

In kozman pou la route

Justin / 17 mé 2021

JPEG - 43.6 ko

Médame zé méssyé, la sosyété, koze èk mwin sé koze èk in kouyon, mé sé o pyé d’lo mir k’i oi lo masson. Mi panss in pé toute demoun i koné kossa i vé dir « koupé »- i pé di galman « séné » sansa ankor « kastré ». bien antandi, sa la pa in lopérasyon i fé dë foi. Sa sé lo sans prop, mél o sans figuiré ? Mwin la trouv kozman-la anparmi band provèrb shinoi é mi domand amwin kossa sa i vé dir pou vréman. Mwin lé pa sir, mé d’apré mwin sa i vé dir si in n’afèr i pé fèr in kou mèm, la pa bézoin fé an dë foi. Mèm lé possib in dézyème foi i pé zète in pèrte de tan, in n’afère k’i ansèrv arien. Alé ! Mi kite azot zordi é si possib rofléshi in pé dsi é pétète trouv inn-dé ka in n’afère konmsa i aplik. Ni artrouv pli d’van, sipétadyé.