Oté

« I trape pa moush avèk vinèg »

In kozman pou la route

Justin / 21 zwin 2021

JPEG - 43.6 ko

Médame zé Méssyé, la Sosyété koze èk mwin sé koze èk in kouyon mé sé o pyé d’lo mir k’i oi lo vré masson.

Mézami mwin lé sir zot i koné provèrb-la, mé konbien i pran modèl dossi ? Konbien i tire la lésson k’i fo ? Dann mon léspèryansss, mwin la touzour konète demoune i morde zot kont-kozèr san rofléshi si domin sar pa nésséssèr travaye ansanm. Mi rapèl in zour mwin lété dann in éstaje é lo lanimatèr téi di : Si zot lé sir zot nora pa bézoin travaye avèk in moun zamé zot i pé anvoye ali dsi lé roz, mé si zot lé pa sir, lé proférab tienbo son lang. In n’ote provèrb i di : Aval in mo sé garde in zami, di in mo an pliss sé pèrde in zami.

Alor lé zami, mi konsèye azot bien rofléshi dsi toussala, é ni rotrouv pli d’van. Sipétadyé.