Témoignages - Journal fondé le 5 mai 1944
par le Dr Raymond Vergès

Cliquez et soutenez la candidature des Chagossiens au Prix Nobel de la Paix

Lakey lo sit > Chroniques > Oté

« In katsou ramasé, sé in katsou sové ! » – In kozman pou la rout

samdi 17 octob 2015, sanm Justin

Moin la fine antann osi sak i di : na poin pti zékonomi pars la késtyon zordi sé sète larzan. Dépansé ou sansa ramasé ? Lé sir ké la sazès i komann ou i mète in l’arzan par koté pars ou i koné pa domin. Sirtou koméla kan lé pli fasil pèrd in travay ké artrouv in n’ot.

Dann tan kréol l’avé son koshon é kan i tyé sa té pou pèy son baye la tèr. In pé l’avé osi z’ot vash té la pou pass lo tan difisil. D’ot té i ramas in pé z’ot larzan. Ousa ? Zot kaz biensir, pa la bank, pars zinpo lo zyé lé fourné é l’administrasyon, fourmi i marsh dsou la tèr èl ii koné. Alors !

Kosa zot i anpans ? Arien ditou ? Fé travay z’ot koko ! Fé bouy z’ot matyèr griz ! Zot va oir ké, rant-rant, ni pé z’ète, tazantan, dakor rantre nou.


Inn modékri, inn ti lavi, inn komantèr ?

signaler contenu


Facebook Twitter Linkedin Google plus