Oté

« Mi pèrde pa zamé, kissoi mi gingn, kissoi mi aprann » : in fraz Nelson Mandela

In kozman pou la route

Justin / 12 zwin 2021

JPEG - 43.6 ko

Mézami, zordi mi domande azot pou rofléshi pa dsi in provèrb, pa dsi in pato noute lang, mé dsi in kozman Nelson Mandela. Si zot i lir bien lo fraz, par l’fète li pran lo kontropyé sak noute toute i panss pou vréman. Pou nou, kissoi ni gingn, kissoi ni pèrde, mé na poin arien dann milyé. Antouléka, souvan dé foi lé konmsa.

Mé si nou na rézon, nout konba lé zamé fini sak i fé si nou la pa gagné i fo ni kontinyé la lité ziska la viktoire – noute viktoire sansa la viktoire noute bande zidé é nout fasson oir l’avnir nout péi. Alor sak la komanss la lite, mèm si li gingn pa, si li lé sir son zidé lé zist é i sava dann sans lintéré nout péi épi nout pèp ébin i fo kontinyé, touzour kontinyé, shanj métode si i fo mé kontinyé.

Alé ! Mi kite azot rofléshi la dsi é ni rotrouv pli d’van. Sipétadyé.