Oté

« Zène pa ou, la mèr lé bèl ! »

In kozman pou la route

Justin / 19 zwin 2021

JPEG - 43.6 ko

Médame zé Méssyé, la Sosyété, koze èk mwin sé koze èk in kouyon, mé sé o pyé d’lo mir k’i oi lo masson.

Mézami zot i koné La Rényon demoune i yème koz an foutan. Zot i koné néna demoune san jène. Alors kan inn, lo gatère, i kroize l’ote, lo larguèr d’ foutan, lé sir lé shoze i pé mal éspassé. Alon pran in légzanp, sète in moune i anpyète dsi lo zardin pèrsonèl in n’ote, néna dé solission : kissoi lo gatèr i fé romète ali son plass vap pou vap, soi lo gatèr i pran in pti kozman konm mwin la mark an-o-la : « Zène pa ou, la mèr lé bèl ! ». Sa vé dire ou lé pa oute plass é sa i sifi la plipar d’tan pou romète lé shoz dan l’orde. Ni pé souété, mé nou lé pa sir sa i sifi pou vréman. pars in sinpe fraz konmsa, sa i pé z’ète in komansman dézorde.

Alé ! Mi kite azot rofléshi la dsi é ni artrouv pli d’van. Sipétadyé.