Dann tan lésklavaj, l’ékonomi lavé bézoin bann bra pou travay, donkalor té i sava rod bann bonom fé, dann lafrik ou sansa madégaskar. Té i mèt o boulo tousa bann pov boug banna lavé ashté. Métyé banna té i fé, té pa dïr pou aprann.

Solman lavé plis bononm kë fam. In tan lavé troi bonom pou in fam. Sï la finision lésklavaj lavé dë bononm pou in fanm. Majine in pë tousa dézagréman pou in sosiété. Majine in pë traka pou an avoir « in kalin ».
Pli souvan lë mèt té i ansèrv ali, an prëmié, konm lï té vé : "avant de se coucher, ils leur souhaite bonne nuit"*.

Bann bononm zésklav sélibatèr téi kour konm fou, la nuit, pou alé rod in rékonfor avèk zot zézèr. Tazantan, in mèt téi vann lë madam, sansa lë boug. Ala zésklav lé dézanparé.
D’ot ankor, i fé konm i gingn. Franshman vérité, in sosiété an dégréné.

* Bernardin de Saint-Pierre : "Voyage à l’ïle de France"

Justin