Lo zour va vni pou baz dsi la solidarité bann pèp !

7 désanm 2017

Yèr soir moin té apré diskite avèk in bon dalon. Mi pans, li konm moin, nou la touzour maziné in solidarité ékonomik, kiltirèl, anvironemantal rant tout bann péi ni tonm famiy ansanm. Konm Madégaskar, Moris, Sésèl, komor, Chagos épi d’ot ankor.

Dsi so poinn vizé lé posib nou na déshoz pou arprosh anou, la plipar d’tan par raport sak kolonyalis fransé la fé an longèr d’tan pou kass nout solidarité. La pa pli loin ké dèrnyé zé dé zil, l’anvoiyé gouvèrnman fransé la mont lé z’inn kont lé z’ot é pou finir sak i dové z’ète in gran fète l’amityé rant bann pèp la vni in dézord dann park kanar.

La pa pli loin ké la COI. Pou nou sa i dové z’ète in l’antant rant bann pèp nout réjyon, la vni, konm Dogol téi di, in mashin san armoni, san l’antant, san lo viv ansanm nout tout la bézoin pou bien viv dann nout réjyon l’oséan indien.

Pli pir ksa ! Nou la diviz anou rantre nou si tèlman ké nout péi La Rényon la disparète konplètman dann l’organigram la COI, si tèlman nou la vni timid pou dénons bann z’akaparèr dsi bann zil i apartien Madagaskar, si tèlman in pé é mi koné sé ki la pran la plas bannzil komor pou roganiz lo proshin zé dé z’il. Si tèlman ankor ké demoun nou l’amenn la lite ansanm dé ‘ané édé z’ané i gnor anou kan zot i vien isi La Rényon.

Alor, si ni mèté a kalkilé, fé travaye in pé nout l’intélizans, san obliy nout kèr, mi pans vitman vitman pou bann pèp nout l’androi v’ariv lo zour i fodra ni baz konm k’i fo dsi nout solidarité rant pèp. In min i lav l’ot ! sa in prinsip solidarité i doi konté pou nou épi bann pèp frèr épi kouzin.

Andan minm ribrik-la

Gouvèrné sé prévoir é sak i prévoi pa i pran in gran résponsabilité
25 avril 2018

« Néna gouni ton kaz ? »
25 avril 2018

La kiltir popilèr konm in propriyété mondyal
24 avril 2018

« Koz la boush rouvèr »
24 avril 2018

La réalité, sé la réalité ! La vérité sé la vérité ! Tanpir pou sak i grins lo dan
23 avril 2018

La Une

La crise du logement fait deux nouveaux morts à La Reunion
25 avril 2018

Quand Lafarge finançait Daesh, Paris laissait faire
25 avril 2018

Sainte-Suzanne : pour la reconnaissance de l’état de catastrophe naturelle
25 avril 2018

Fakir rappelle le problème de l’aménagement
25 avril 2018

Gouvèrné sé prévoir é sak i prévoi pa i pran in gran résponsabilité
25 avril 2018

2017 Témoignages
Contact | RSS 2.0