Vaz kominikant, mé dann in sèl sans solman !

A ! La kriz ! la kriz ! la kriz ! Sa in vré tablatir pou nou é pou anshevé, sa i dir, i dir, i dir mèm. Kan ou i antan dir li lé fini, sé l’èr k’li rovien, sé l’èr li rogagn favèr. Dizon li lé konm siklone : dann in sans, li kas li briz, é kan ou i kroi lé fini, sé l’èr k’ou i ramas lo rotour, é lo rotour lé parèy mèm, li briz épi li kas. Parèy siklone ? Oui, sof ké kont siklone i gingn pa fé gran shoz, i gingn pa fé vni ali, é i gingn pa shas ali, i gingn pa di ali foulkan !
Mé la kriz dann lékonomi, sa la pa in (...)