Kèl Frans banna i vé mète dann Mayotte ?

Moin la antann in konvèrsasyon dann radyo. In Maorèz té apré rakonté, èl i sort dann in gran vilaz i apèl Konmbani é èl i fé son z’étid isi La Rényon. D’apré sak èl i rakont dann téléfone, dan la zourné mèrkrodi, èl la sone son sèr lé la-ba dan son vilaz. Kan èl té apré téléfoné, èl té i antann in gran dézord, konm par égzanp bonb lakrimojène, sinonsa sak i apèl gonm-kogn apré pété partou. I paré la loi lété partou dan lo vilaz épi té i irl avèk demoun : « Rant dan zot kaz ! Fèrm zot porte épi zot fénète ! ». L’èr-la, èl (...)