Er-Ostral :
Aprésa, i vann tout ?

Apré lo kou d’l’akordéon dann Er-Ostral moin la lir dann zournal, sé bann koléktivité té i pran lo pouvoir dan la konpagni. Bien antandi, si lé shoz i spas konm l’apré spasé, na arienk SEMATRA lé kapab an avoir lo moiyin pou gonf lo kapital la konpagni. Soisant-dis milyon, sa i trouv pa sou la pat shoval, donk lé for posib tout lo l’arzan, sé la SEMATRA sar blizé trouvé. Sirtou apré lo kou d’l’akordéon, pars mi oi pa kisa i sava pran lo risk mèt son l’arzan la-dan, si li lé riskab pèrd près san pour san konm (...)