« Si ou i oi in tortu dsu l’mur, ou na ka dir in moun la mète ali la »

La plipar d’tan kan ou i oi kékshoz la pa ordinèr, ou i komans par poz aou tout kalité késtyon. Koman sa l’ariv la ? Kisa la èd ai mont an-o la ? Kosa li sar fé an otèr konmsa ? Oplis ou i poz késtyon konmsa, oplis out tète i shof. Poitan, la plipar d’tan ou la poin pou poz aou késtyon pou kass out koko. Lo répons lo pli sinp lé touzour lo méyèr répons. Lo saj afrikin i ésplik anou, i fo pa alé rode in lésplikasyon konpliké, alanbiké, kan lé pa nésésèr pou vréman. Alé ! Mi lèss aou rofléshi la dssi éni artrouv (...)