La résponsabilité, in bon prinsip mé laplikasyon i fé défo

Mon bann dalon, zot i souvien lo gran bataye la fé dann tan isi La Rényon, bataye rant l’égalité épi la parité ! Zot i souvien mi éspèr an touléka sak la amenn lo bataye i doi raplé. Dann tan-la, in bann rastakouèr té i prétan asist bann rényoné dsi lo poinn vizé zalokasyon familyal. Zot té di : mèm zalokasyon ké dann La frans mé tienbo dsi pou la kantine, tienbo ankor pou lékol militèr Tampon, tir ankor dsi pou d’ot kouyonad. An parmi l’avé in dépité i apèl Zan-Pol virapoullé la débark dann l’asanblé nasyonal (...)